நீரிழிவு நோயாளிகள் சிக்கன் சாப்பிடலாமா என்பதை இந்த பதிவில் தெரிந்து கொள்வோம்.நீரிழிவு நோய் இன்று பெரும்பாலான நபர்களை தாக்கி பல சிக்கல்களை கொண்டு வருகின்றது. நீரிழிவு நோயினால் பாதிக்கப்பட்டுவிட்டால், அவர்களின் உணவுமுறை முற்றிலும் மாறிவிடும்.நீரிழிவு நோயாளிகள் சிகப்பு நிற இறைச்சியை தவிர்த்து சிக்கன் சாப்பிடலாம் என்று கூறப்பட்டாலும், வித்தியாசமான முறையில் தயாரிக்கப்படும் சில வகையான சிக்கனை நீரிழிவு நோயாளிகள் உட்கொள்ளககூடாது.
நீரிழிவு நோயாளிகளும், சிக்கனும்
சிக்கனில் உள்ள லீன் புரதம் ஆரோக்கியத்திற்கு சிறந்ததாகவும், பசியைக் கட்டுப்படுத்தவும் செய்கின்றது. சிக்கனை சரியான முறையில் சமைத்தால் ரத்தத்தில் உள்ள சர்க்கரையின் அளவு உயராமல் இருக்கும்.நீரிழிவு நோயாளிகள் உடல் எடையினால் பாதிக்கப்பட்டிருந்தால், சிக்கன் உடல் எடையை நிர்வகிக்க உதவுகின்றது. ஏனெனில் இதில் அதிக வைட்டமின்கள் மற்றும் தாதுக்கள் காணப்படுகின்றது.
நீரிழிவு நோயாளிகளுக்கு கார்போஹைட்ரேட் நுகர்வு ஒரு முக்கியமான விஷயமாகும். ஏனெனில் கார்போஹைட்ரேட் ரத்த சர்க்கரையின் அளவை அதிகரித்துவிடும். சிக்கனில் இயற்கையாகவே கார்போஹைட்ரேட் குறைவாக இருப்பதால் நீரிழிவு நோயாளிகளுக்கு சிறந்ததாக இருக்கும்.
க்ரில்லிங் சிக்கனை சமைப்பதற்கான ஒரு ஆரோக்கியமான வழி மற்றும் கொழுப்பு மற்றும் கலோரி எண்ணிக்கையை கட்டுக்குள் வைத்திருக்க உதவுகிறது. எலும்பு இல்லாத, தோல் இல்லாத சிக்கன் மார்பகங்கள் பொதுவாக நீரிழிவு நோயாளிகளுக்கு பரிந்துரைக்கப்படுகின்றன. அவை கிரில் செய்ய எளிதானது மற்றும் உங்கள் சுவைக்கு ஏற்ப சுவையூட்டலாம்.
எதை தவிர்க்க வேண்டும்?
நீரிழிவு நோயாளிகளுக்கு சிக்கன் ஆரோக்கியம் என்று கருதப்பட்டாலும், சமைக்கும் முறையில் கவனம் வேண்டும். ஆம் நீங்கள் சமைக்கும் முறையினால் கூடுதல் கலோரி மற்றும் ஆரோக்கியமற்ற கொழுப்பு சேர வாய்ப்பு உள்ளது.இதே போன்று கடாயில் வறுத்த சிக்கன், எண்ணெய்யில் பொரித்த சிக்கன் தான் ப்ரைடு ரைஸிற்கு தேவைப்படுவதால், நீரிழிவு நோயாளிகள் இதனை தவிர்க்க வேண்டும்.வெளியே சாப்பிடும்போது அல்லது உணவை ஆர்டர் செய்யும் போது, “வறுத்த கோழி” உங்களது உணவில் வந்துவிடாதவாறு கவனமாக பார்த்துக் கொள்ளவும்.
