உலகெங்கிலும் உள்ள கோடிக்கணக்கான வீடுகளில் இன்ஸ்டன்ட் நூடுல்ஸ் பிரதான உணவாகிவிட்டது. அவற்றின் குறைவான விலை மற்றும் சமைப்பதில் உள்ள எளிமை ஆகியவை, நூடுல்ஸை பிரதான சிற்றுண்டி அல்லது உணவாக பிரபலமடைந்ததில் முக்கியப்பங்கு வகிக்கிறது.
இன்ஸ்டன்ட் நூடுல்ஸ் உங்கள் சுவை மொட்டுகளை திருப்திப்படுத்துவதோடு தற்காலிகமான திருப்தியை அளிக்கும் அதே வேளையில், அவை நீண்ட காலத்திற்கு உங்கள் ஆரோக்கியத்தை பாதிக்கக்கூடிய பல ஆரோக்கிய பிரச்சினைகளையும் ஏற்படுத்துகின்றன.
அதிக சோடியம் உள்ளடக்கம் முதல் குறைந்த ஊட்டச்சத்து மதிப்பு வரை, இன்ஸ்டன்ட் நூடுல்ஸில் பெரும்பாலும் ஆரோக்கியமற்ற சேர்க்கைகள் மற்றும் பாதுகாப்பு பொருட்கள் உள்ளன, அவை காலப்போக்கில் உங்கள் உடலை மோசமாக பாதிக்கலாம். இன்ஸ்டன்ட் நூடுல்ஸ் சாப்பிடுவதில் உள்ள ஆபத்துகள் என்னென்ன என்று இந்த பதிவில் தெரிந்து கொள்ளலாம்.
அதிகளவு சோடியம்
இன்ஸ்டன்ட் நூடுல்ஸில் சுவையை அதிகரிக்க சோடியம் அதிகளவில் சேர்க்கப்படுகிறது. ஆனால் அதிக அளவு சோடியம் உட்கொள்வது உயர் இரத்த அழுத்தத்திற்கு வழிவகுக்கும், இலவச இணைப்பாக இது இதய நோய் மற்றும் பக்கவாதம் ஏற்படும் அபாயத்தை அதிகரிக்கும். அதிக சோடியம் அளவுகள் உங்கள் உடலில் தண்ணீரைத் தக்கவைத்து, வீக்கம் மற்றும் அசௌகரியத்திற்கு வழிவகுக்கும்.
குறைவான ஊட்டச்சத்துக்கள்
இன்ஸ்டன்ட் நூடுல்ஸ் விரைவாகவும், சமைக்க எளிதாகவும் இருந்தாலும், அவை குறைந்த ஊட்டச்சத்து மதிப்பை வழங்குகின்றன. அவை பொதுவாக நார்ச்சத்து, புரதம், வைட்டமின்கள் மற்றும் தாதுக்களில் குறைவாக இருப்பதால், அவை ஊட்டச்சத்து தேவையை பூர்த்தி செய்யாது. அவை பெரும்பாலும் சுத்திகரிக்கப்பட்ட மாவு மற்றும் ஆரோக்கியமற்ற கொழுப்புகளைக் கொண்டிருக்கின்றன, இது கணிசமான ஊட்டச்சத்தை வழங்காமல் கலோரி உட்கொள்ளலுக்கு வழிவகுக்கிறது.
செரிமான ஆரோக்கியத்தைப் பாதிக்கும்
இன்ஸ்டன்ட் நூடுல்ஸில் நார்ச்சத்து இல்லாதது செரிமானத்தை மெதுவாக்கும், இது அஜீரணம் மற்றும் வீக்கம் ஏற்பட வழிவகுக்கும். சில ஆய்வுகள், இதனை அடிக்கடி உட்கொள்வது வளர்சிதை மாற்ற நோய்க்குறியின் அபாயத்தை அதிகரிக்கும் என்று கூறுகின்றன. இது இதய நோய், பக்கவாதம் மற்றும் நீரிழிவு அபாயத்தை அதிகரிக்கும் நிலைமைகளின் தொகுப்பாகும்.
ஆரோக்கியமற்ற கொழுப்புகள் அதிகமாக உள்ளது
உற்பத்தி போநிலையில் பல இன்ஸ்டன்ட் நூடுல்ஸ் வறுக்கப்படுகிறது. சில பிராண்டு நூடுல்ஸ்களில் டிரான்ஸ் கொழுப்புகள் உள்ளன, இது கெட்ட கொழுப்பை அதிகரிக்கும் மற்றும் நல்ல கொழுப்பைக் குறைக்கும், இதனால் இதய நோய் ஏற்படும் அபாயத்தை அதிகரிக்கும். ஆரோக்கியமற்ற கொழுப்புகள் எடை அதிகரிப்பதற்கும், இதய பிரச்சினைகள் ஏற்படும் அபாயத்திற்கும் வழிவகுக்கும்.
இன்ஸ்டன்ட் நூடுல்ஸில் MSG போன்ற பல்வேறு preservatives உள்ளன, அவை சுவையை அதிகரிக்கப் பயன்படுகின்றன. ஆனால் இது சிலருக்கு தலைவலி, குமட்டல் மற்றும் பிற சிக்கல்களையும் ஏற்படுத்தும். தொடர்ந்து உட்கொள்ளும் போது இது ஆரோக்கியத்தில் பல்வேறு பாதகமான விளைவுகளை ஏற்படுத்தலாம்.
எடை அதிகரிப்பு
தினமும் இன்ஸ்டன்ட் நூடுல்ஸ் சாப்பிடுவதால் ஏற்படும் மோசமான பக்கவிளைவுகளில் ஒன்று, அது எடையை அதிகரிக்கும். இந்த உடனடியாக சாப்பிடக்கூடிய உணவுகளில் கார்போஹைட்ரேட்டுகள் மற்றும் கொழுப்பு உள்ளடக்கம் அதிகம் உள்ளது, ஆனால் அதிக கலோரிகள் மற்றும் அத்தியாவசிய ஊட்டச்சத்துக்கள் இல்லாததால், நீங்கள் விரைவில் பசியை உணர்வீர்கள். காலப்போக்கில், இது தேவையற்ற எடை அதிகரிப்பு மற்றும் பிற உடல்நல சிக்கல்களை ஏற்படுத்தும்.
