இன்னும் 2 நாட்களில் சந்திர கிரகணம் நிகழவுள்ளது. அதன் பிறகு இந்த ஆண்டின் முதல் சூரிய கிரகணம் 8 ஏப்ரல் 2024 அன்று நிகழும். இது ஜோதிட மற்றும் அறிவியல் முக்கியத்துவம் வாய்ந்தது. இதன் தாக்கம் 12 ராசிகளில் மட்டுமல்லாமல், நாடு, உலகம் என அனைத்திலும் இருக்கும். பூமிக்கும் சூரியனுக்கும் இடையில் சந்திரன் செல்லும் போது, சூரிய ஒளி பூமியை அடையாது. இந்த நிகழ்வு சூரிய கிரகணம் என்று அழைக்கப்படுகிறது.
ஏப்ரல் 8 அன்று நிகழவுள்ள சூரிய கிரகணம் இரவு 9:12 மணிக்கு தொடங்கி 1:25 மணி வரை நீடிக்கும். ஆண்டின் முதல் சூரிய கிரகணம் மிகவும் அரிய, அபூர்வமான, வித்தியாசமான ஒரு கிரகணமாக இருக்கும். எனினும் இந்த கிரகணம் இந்தியாவில் தெரியாது என்பது குறிப்பிடத்தக்கது.
அன்றே கணித்த வெளிநாட்டு பத்திரிக்கை
சூரிய கிரகணம் நெருங்கும் இந்த வேளையில், அமெரிக்காவின் ஓஹியோவை தளமாகக் கொண்ட சுமார் 54 ஆண்டுகள் பழமை வாய்ந்த ஒரு செய்தித்தாளின் படமும் சமூக ஊடகங்களில் வைரலாகி வருகிறது. இதில், ஏப்ரல் 8, 2024 அன்று நிகழும் அபூர்வ சூரிய கிரகணம் பற்றி 1970 ஆம் ஆண்டிலேயே நாளிதழில் கணிக்கப்பட்டதை காண முடிகின்றது. தற்போது இந்த நாளிதழின் புகைப்படம் சமூக வலைதளங்களில் வைரலாகி வருகிறது. இதைப் பற்றி பயனர்கள் பல கருத்துகளை தெரிவித்து வருகின்றனர். இந்த செய்தியை வெளியிட்டவர்களை சிலர் பாராட்டி வரும் நிலையில் சிலர் சந்தேகம் எழுப்பியும் வருகிறார்கள்.
பல ஆண்டுகளுக்கு பிறகு நிகழும் அபூர்வ சூரிய கிரகணம்
அறிவியலின் படி, இந்த ஆண்டின் முதல் சூரிய கிரகணம், ஏப்ரல் 8, 2024 அன்று நிகழவிருப்பது மிகவும் அரிதானது. பல ஆண்டுகளுக்குப் பிறகு இதுபோன்ற அமைப்பில் சூரிய கிரகணம் ஏற்படுவதாக நம்பப்படுகிறது. இந்நிலையில் பூமியின் ஒரு பகுதி முற்றிலும் இருட்டாகிறது. இதுமட்டுமல்லாமல் நிலவு பூமிக்கு மிக அருகில் வருகிறது. இதன் காரணமாக, சூரியன், நிலவு மற்றும் பூமி அனைத்தும் நேர் பார்வையில் காட்சியளிக்கின்றன.
சூரிய கிரகணம் எந்த இடங்களில் தெரியும்?
இந்த ஆண்டின் முதல் சூரிய கிரகணம் ஏப்ரல் 8 ஆம் தேதி இந்தியாவில் தென்படாது. ஆகையால், கிரகணத்திற்கான நியமங்களை இங்கு கடைபிடிக்க வேண்டிய அவசியம் இருக்காது. இருப்பினும், ஜோதிட ரீதியாக இந்த கிரகணம் கண்டிப்பாக சில ராசிகள் மற்றும் நட்சத்திரங்களை பாதிக்கும். இந்த சூரிய கிரகணம் கனடா, அமெரிக்கா மற்றும் நியூஃபவுண்ட்லாந்தின் பல பகுதிகளில் தெரியும் என விஞ்ஞானிகளின் கூறியுள்ளனர். இந்த கிரகணம் இந்த நாடுகள் தாக்கத்தை ஏற்படுத்தும்.
