எப்படி இருக்கிறது கமலின் தக் லைப் படம்? திரைவிமர்சனம் இதோ!
35 ஆண்டுகளுக்குப் பிறகு கமல்ஹாசன் மற்றும் மணிரத்னம் இணையும் “தக் லைஃப்” திரைப்படம் இன்று உலகம் முழுவதும் திரையரங்குகளில் வெளியாகி உள்ளது. ரசிகர்கள் மத்தியில் பெரும் எதிர்பார்ப்பை ஏற்படுத்திய இந்த படம் குறித்து சினிமா ரசிகர்கள் மற்றும் விமர்சகர்களிடையே கலவையான விமர்சனங்கள் வெளியாகி வருகின்றன.
தக் லைஃப் படத்தின் கதை என்ன?
டெல்லி மாஃபியாக்களில் ஒருவராக இருக்கும் கமல், ஒரு துப்பாக்கி சூட்டில் சிறுவனாக சிம்புவை தத்தெடுத்து வளர்க்கிறார். பின்னர் கமலை அவரது சொந்த கூட்டமே சதி செய்ய முயற்சிக்கிறது. அவர்களிடம் இருந்து தப்பி, பழி வாங்கும் கதையே தக் லைப்.
நடிப்பு மற்றும் கதாபாத்திரங்கள்
படத்தின் முதல் 15 நிமிடங்களில் வரும் துப்பாக்கிச் சூடு காட்சிகள் மிகவும் அதிரடியானவை. இளம் கமலின் காட்சிகள், திரையில் கைதட்டல் பெறும் வகையில் உள்ளது.
சிம்பு – கமலுடன் சிறந்த பாண்டிங், சில இடங்களில் கமலை விட மெருகான நடிப்பு.
திரிஷா – வித்தியாசமான கதாபாத்திரம், நன்கு செயல்பாடு.
அபிராமி – கமலின் மனைவியாக தன்னலமில்லாத செயல்பாடு.
நாசர், ஜோஜு ஜார்ஜ், வையாபுரி – தங்கள் பகுதிகளில் நன்றாக பளிச்சென்றுள்ளனர்.
தொழில்நுட்பம் மற்றும் இசை
ஏ.ஆர். ரகுமான் – பின்னணி இசையும், பாடல்களும் படம் படைப்பாற்றலை உயர்த்துகின்றன.
ஒளிப்பதிவு – மேன்மை தரும்; சில காட்சிகள் ரம்மியமாக காட்சிப்படுத்தப்பட்டுள்ளது.
திரைக்கதை & மேக்கிங்
மணிரத்னத்தின் இயக்கத்தில் சின்ன சறுக்கல்கள் ஏற்பட்டுள்ளன. கதையமைப்பு பழமையானது. திரைக்கதை பலமின்றி தொடர்வதால், பெரும்பாலான திருப்பங்கள் எதிர்பார்க்கத்தக்கதாகவே இருந்தன.
முக்கியமாக, கமல்-மணிரத்னம் இணைப்பு 35 ஆண்டுகளுக்குப் பிறகு வந்திருப்பதால் ரசிகர்கள் எதிர்பார்ப்பு மிக அதிகம். ஆனால் அந்த எதிர்பார்ப்புக்கு படமானது சற்று பின்னடைவே தருகிறது.
சுருக்கமாக
தக்கலை படம் ஒட்டுமொத்தமாக ஒரு பெரிய அனுபவமாகத் தெரியாது. முக்கிய நட்சத்திரங்களின் நடிப்பும், சில தொழில்நுட்ப அம்சங்களும் பாராட்டத்தக்கவை. ஆனால், கதையும் திரைக்கதையும் பலப்படுத்தியிருக்க வேண்டும் என்பது தெளிவாகத் தெரிகிறது.
