எண்களின் அடிப்படையில் செயல்படும் எண் கணிதம் ஒருவரின் ஆளுமை மற்றும் எதிர்காலத்தை தெரிந்து கொள்ள உதவுகிறது. எண்களைப் பற்றி நன்கு அறிந்தவர்கள், மக்களின் நடத்தையைப் பற்றி புரிந்து கொள்வது எளிது.
ஒரு நபரின் பிறந்த தேதி மற்றும் அதை கூட்டி வரும் ஒற்றை இழக்க எண் ஆகியவை ஒருவரின் ஆளுமை மற்றும் எதிர்காலத்தில் பெரிய தாக்கத்தை ஏற்படுத்துகின்றன. எனவே ஒரே ராசியில் பிறந்தவர்களிடம் சில ஒற்றுமைகள் காணப்படுவது போலவே, ஒரே எண்ணில் பிறந்தவர்களிடமும் பல விஷயங்கள் ஒரே மாதிரியாக இருக்கும்.
நியூமராலஜி படி, எண் 4-ல் பிறந்தவர்கள் மிகப்பெரிய செல்வந்தராக வர வாய்ப்புள்ளது, ஆனால் அவர்களிடம் ஒரு குறைபாடு உள்ளது. அனைத்து மாதத்திலும் 4, 13, 22 அல்லது 31 ஆம் தேதிகளில் பிறந்தவர்களுக்கு அவர்களின் விதி 4 ஆக இருக்கும். இந்த எண்ணை ஆளும் கிரகமாக ராகு இருக்கிறார். இது சூரியக் கடவுளுடன் நேரடியாக தொடர்புடையது. சூரியபகவானின் அருள் இவர்களிடம் காணப்படும்.
எண் 4
4-ஆம் எண்ணில் பிறந்தவர்களின் எதிர்காலம் மிகவும் பிரகாசமாக இருக்கும். அவர்கள் சிறுவயதிலிருந்தே சுயநலவாதிகளாக இருப்பார்கள். மற்றவர்களிடம் வேலை வாங்குவதில் இவர்களுக்கு தனித்திறமை உண்டு. லக்ஷ்மி தேவியின் அருள் அவர்கள் மீது எப்பொழுதும் நிலைத்திருக்கும், மேலும் அவர்கள் சமூகத்தில் புகழும் மரியாதையும் பெறுகிறார்கள்.
இந்த நற்குணங்கள் இருந்தாலும் அவர்கள் தங்கள் செல்வத்தால் இயல்பிலேயே மிகவும் ஆணவம் கொண்டவர்களாக இருப்பார்கள். மற்றவர்களுடன் சகஜமாக பழகுவது, அவர்களுடன் பேசுவது அல்லது அவர்களின் எந்த வேலையிலும் ஒத்துழைப்பது அவர்களுக்குப் பிடிக்காது. அவர்கள் இயல்பிலேயே மிகவும் சுயநலவாதிகள். அவர்கள் தங்கள் வேலை முடியும் வரை மக்களுடன் மட்டுமே மற்றவர்களுடன் நட்பாக இருக்க விரும்புகிறார்கள்.
நிதி நிலை
செல்வத்தின் தெய்வமான லட்சுமி தேவி இந்த தேதியில் பிறந்தவர்களிடம் எப்போதும் கருணை காட்டுகிறார். இதன் காரணமாக அவர்கள் வாழ்க்கையில் அவர்களுக்கு ஒருபோதும் பணப்பிரச்சினை ஏற்படாது. இருப்பினும், அவர்கள் வேலையில் மட்டுமே வெற்றி பெறுகிறார்கள். இவர்கள் வியாபாரம் செய்தால் அதில் பெரிய வெற்றி கிடைக்காது. வியாபாரம் செய்யும் போது, இவர்கள் பல முறை ஏமாற்றப்படலாம். அதனால இவர்கள் வேலையில் இருப்பது நல்லது. ஆனால் அவர்கள் வேலையில் உயர்ந்த பதவியை அடைவார்கள்.
திமிர்பிடித்தவர்களாக இருப்பார்கள்
4 ஆம் எண்ணில் பிறந்தவர்கள் எப்போதும் கூலாக இருப்பவர்கள் மற்றும் சுதந்திர மனப்பான்மைக் கொண்டவர்கள். அவர்கள் தங்கள் வாழ்க்கையில் எந்த வகையான அடிமைத்தனத்தையும் விரும்புவதில்லை. அவர்கள் நினைப்பது போல செலவழித்து ஜாலியாக இருக்க விரும்புகிறார்கள். ஆனால் சில நேரங்களில் அவர்களால் தங்கள் உணர்ச்சிகளைக் கட்டுப்படுத்த முடியாது. இதுமட்டுமின்றி, அவர்கள் திமிர்பிடித்தவர்களாகவும், மூர்கமானவர்களாகவும் மாறுகிறார்கள். இதனால் அவர்கள் தங்களுக்கும், மற்றவர்களுக்கும் பிரச்சனைகளை உருவாக்குகிறார்கள். இவர்களுக்கு ராகுவின் தாக்கம் இருப்பதால், அடிக்கடி விபத்துக்குள்ளாகும் வாய்ப்பும் உள்ளது.
