இனி யூடியூபில் சம்பாதிக்க முடியாதா? 5 வகை வீடியோக்களுக்கு தடை விதித்த YouTube புதிய விதிகள்!
யூடியூப் பார்ட்னர் புரோகிராமில் (YouTube Partner Program) சில முக்கியமான விதிகள் தற்போது அறிவிக்கப்பட்டுள்ளன. இதன் மூலம், சில வகை வீடியோக்கள் இனி மானிடைசேஷனுக்கு தகுதியற்றவையாகக் கருதப்படும்.
1. மறுபயன்பாட்டு உள்ளடக்கம் (Reused Content)
முந்தைய வீடியோவை சிறிய மாற்றங்களுடன் மீண்டும் பதிவேற்றுவது ‘low effort content’ என்று கருதப்படும். இதனால் யூடியூப் மானிடைசேஷனை நிராகரிக்கும்.
2. AI உருவாக்கிய வீடியோக்கள் (AI-Generated Videos)
ஸ்கிரிப்ட், குரல் மற்றும் காட்சிகள் அனைத்தும் AI மூலமாக உருவாக்கப்பட்டு, மனித உழைப்பின்றி இருக்கும் வீடியோக்கள் வருவாய் பெற முடியாது.
3. மீண்டும் மீண்டும் வரும் பின்னணி வீடியோ (Loop/Background Clips)
Slideshows, looping clips போன்ற வீடியோக்கள் YouTube ஆல் ஸ்பேம் (spam) உள்ளடக்கமாகக் கருதப்படும்.
4. தவறான அல்லது ஆதாரமற்ற தகவல்கள்
அறிவிப்பில்லாமல் AI உருவாக்கிய கோட்பாடுகள், clickbait தலைப்புகள், மற்றும் பொய்யான தகவல்கள் கொண்ட வீடியோக்கள் தடை செய்யப்படலாம்.
5. முகம் இல்லாத சேனல்கள் (Faceless Channels)
போட் குரல் மற்றும் தனித்துவமற்ற காட்சிகளால் உருவாக்கப்பட்ட சேனல்கள் தடைக்கு உள்ளாகும் அபாயம் அதிகம்.
YouTube கிரியேட்டர்கள் என்ன செய்ய வேண்டும்?
- மனித எழுத்தாளரால் உருவாக்கப்பட்ட தனிப்பட்ட ஸ்கிரிப்டைப் பயன்படுத்துங்கள்.
- உங்கள் சொந்த குரல் அல்லது ஒரு குரல் கலைஞரின் குரலை பயன்படுத்துங்கள்.
- அசல், மதிப்புமிக்க தகவல்களை வழங்குங்கள்.
மொத்தமாக, யூடியூப் தற்போது தரமான, மனித உழைப்புடன் கூடிய, உண்மையான உள்ளடக்கங்களை மட்டுமே ஆதரிக்க விரும்புகிறது. உங்கள் கன்டென்ட் விதிமுறைகளுக்கு ஏற்ப இருக்கின்றதா என்பதை மறுபரிசீலனை செய்ய இது சரியான நேரம்!
