‘குபேரா’வுக்கு சவால் வீசும் ‘மெர்சல்’ ரீ ரிலீஸ் – திரையரங்குகளில் ஹவுஸ்புல் காட்சிகள்!
தளபதி விஜய் ரசிகர்களுக்கு பிறந்தநாள் சிறப்பு பரிசாக ‘மெர்சல்’ திரைப்படம் கடந்த வெள்ளிக்கிழமை (ஜூன் 20) ரீ ரிலீஸ் ஆனது. Sparrow Cinemas மூலம் வெளியான இந்த படம் தமிழகம் முழுவதும் நூற்றுக்கணக்கான திரையரங்குகளில் திரையிடப்பட்டுள்ளது.
பிரியம் மாறாத ‘மெர்சல்’
2017ஆம் ஆண்டு அட்லீ இயக்கத்தில் வெளியான ‘மெர்சல்’, விஜய் மூன்று வேடங்களில் நடித்த முதல் திரைப்படமாகும். தற்போது ரீ ரிலீஸில் கூட, எல்லா இடங்களிலும் முன்பதிவு ஹவுஸ்புல் என்ற அளவிற்கு ரசிகர்களிடம் மாஸ் காட்டி வருகிறது.
‘குபேரா’வுடன் நேரடி போட்டி!
தனுஷ் நடிப்பில் வெளிவந்த ‘குபேரா’ திரைப்படமும் அதே நாளில் வெளியானது. இருந்தபோதிலும், ‘மெர்சல்’ மீண்டும் வெளியானது விஜய் ரசிகர்களிடையே ஒரு புதிய திரைப்படத்தை போலவே வரவேற்பை பெற்றுள்ளது.
மெர்சலின் ரசிகர் மந்திரம்
விஜய், சமந்தா, நித்யா மேனன், காஜல் அகர்வால், எஸ்ஜே சூர்யா, யோகிபாபு, வடிவேலு உள்ளிட்ட பலரும் நடித்த ‘மெர்சல்’, விஜய் ரசிகர்களிடம் மட்டுமல்லாமல் குடும்பப் பார்வையாளர்களிடமும் பெரும் வரவேற்பைப் பெற்றிருந்தது.
ஏ.ஆர்.ரஹ்மானின் இசையும் படத்தின் வெற்றிக்கு முக்கிய காரணமாக அமைந்தது.
விஜயின் கடைசி படம்?
தற்போது ‘ஜனநாயகன்’ படத்தில் நடித்து வரும் தளபதி விஜய், தனது கடைசி படமாக அதனை அறிவித்திருப்பது ரசிகர்களிடம் அவரது பழைய ஹிட் படங்களை மீண்டும் திரையில் காணும் ஆசையை அதிகரித்துள்ளது.
‘மெர்சல்’ ரீ ரிலீஸ் மூலம் தான் இன்னும் ரசிகர்களின் இருதயங்களில் ராஜாவாகவே இருக்கிறார் என்பதை தளபதி மீண்டும் நிரூபித்துள்ளார்.
