மாமன் vs டிடி நெக்ஸ்ட் லெவல்: வசூலில் யார் கெத்து? சூரியா? சந்தானமா?
கோடை விடுமுறையை வெற்றிகரமாக பயன்படுத்த முயன்றிருக்கும் தமிழ் திரைப்படங்களில் முக்கியமானவை சூரி நடிப்பில் வெளியான மாமன் மற்றும் சந்தானம் நடிப்பில் வெளியான டிடி நெக்ஸ்ட் லெவல். இரண்டும் ஒரே நாளில் திரையிடப்பட்டதால், பாக்ஸ் ஆஃபிஸில் நேரடி போட்டி உருவானது. தற்போது, 10 நாட்களை கடந்த இந்நிலையில், இந்த இரு படங்களின் வசூல் நிலையைப் பார்ப்போம்.
மாமன் திரைப்படம் கிராமத்து பின்னணியைக் கொண்டு, உணர்ச்சிமிகுந்த குடும்பக்கதையாக உருவாகியுள்ளது. பிரசாந்த் பாண்டியராஜ் இயக்கிய இந்த படத்தில், சூரியுடன் ஐஸ்வர்யா லட்சுமி, ராஜ்கிரண், ஸ்வாசிகா உள்ளிட்டோர் முக்கிய வேடங்களில் நடித்துள்ளனர். சிறப்பான ப்ரமோஷன், இசை வெளியீடு, மற்றும் நிகழ்ச்சிகள் மூலமாக படம் ரசிகர்களிடம் விருப்பம் பெற்றது.
👉 முதல் நாளில் சுமார் ₹1.75 கோடி வசூல் செய்த இப்படம், தற்போது 10 நாட்களில் ₹25 கோடியை தாண்டியுள்ளதாகத் தகவல்.
சந்தானத்தின் டிடி நெக்ஸ்ட் லெவல் – பேய் பட ஃபார்முலா தோல்வியா?
சந்தானம் ஹீரோவாக நடித்துள்ள DD Next Level, பேய் மற்றும் காமெடி கலந்த படம். இதில் யாஷிகா ஆனந்த், கெளதம் வாசுதேவ் மேனன், செல்வராகவன் உள்ளிட்டோர் நடித்துள்ளனர். சந்தானம் தனது பழைய வெற்றிப் படங்களின் ஃபார்முலாவையே பின்பற்றியிருப்பது குறிப்பிடத்தக்கது.
👉 படம் தற்போது ₹19.17 கோடி வசூல் செய்துள்ளதாகக் கூறப்படுகின்றது, ஆனால் இதற்கான அதிகாரப்பூர்வத் தரவுகள் எதுவும் வெளியாகவில்லை.
யார் வெற்றி பெற்றார்?
சூரியின் மாமன் திரைப்படம், விமர்சன ரீதியாகவும் வசூல் ரீதியாகவும் முன்னிலையில் இருப்பதாக கூறப்படுகிறது.
சந்தானத்தின் டிடி நெக்ஸ்ட் லெவல், எதிர்பார்த்த அளவுக்கு கிளிக் செய்யவில்லை எனவும், அதன் விளைவாக வசூலில் சிறிது பின்தங்கியுள்ளது எனவும் கூறப்படுகிறது.
