அஜித் படத்தை இயக்க விரைவில் திட்டம்: லோகேஷ் கனகராஜ் உறுதியான தகவல்
‘கூலி’ திரைப்படத்துக்குப் பிறகு, இயக்குநர் லோகேஷ் கனகராஜ் தனது கனவுப் பிராஜெக்ட் குறித்து உறுதியான தகவலை வெளியிட்டுள்ளார். அஜித் ரசிகர்களிடையே பெரும் எதிர்பார்ப்பை ஏற்படுத்தும் வகையில், “அஜித் சார் நடிப்பில் நிச்சயமாக ஒரு படம் இயக்குவேன்” என அவர் தெரிவித்துள்ளார்.
‘கூலி’ படத்தின் வெற்றி எதிர்பார்ப்பு
ரஜினிகாந்த் நடிப்பில், லோகேஷ் கனகராஜ் இயக்கத்தில் உருவாகி வரும் ‘கூலி’ திரைப்படம் ஆகஸ்ட் 14, 2025 அன்று திரையரங்குகளில் வெளிவரவுள்ளது. அனிருத் இசையில் வெளியான பாடல்கள் – சிக்கிடு, மோனிகா, பவர் ஹவுஸ் – மக்களிடையே மிகுந்த வரவேற்பைப் பெற்றுள்ளன.
இந்த படத்தில் ரஜினியுடன் அமீர் கான், சத்யராஜ், நாகர்ஜுனா, சௌபின் ஷாஹிர், சுருதிஹாசன், பகத் பாசில், ரெபா மோனிகா ஜான் மற்றும் உபேந்திரா உள்ளிட்ட பல பிரபலங்கள் நடித்துள்ளனர். இசை வெளியீட்டு விழா ஆகஸ்ட் 2ம் தேதி சென்னை நேரு உள் விளையாட்டு அரங்கத்தில் நடைபெற உள்ளது.
அஜித்துடன் படம் – என்ன சொல்கிறார் லோகேஷ்?
சமீபத்தில் நடைபெற்ற ஒரு நேர்காணலில், இயக்குநர் லோகேஷ் கனகராஜ் கூறியதாவது:
“அஜித் சார் நடிப்பில் ஒரு திரைப்படம் இயக்குவது 100% உறுதி. அவரது ஆக்சன் முகத்தை என்னுடைய படத்தில் கண்டிப்பாக பயன்படுத்த வேண்டும் என்ற ஆசை எனக்குள்ளது. சுரேஷ் சந்திரா மூலமாக பேச்சுவார்த்தை தொடங்கியிருக்கிறது. இருவரும் பிசியாக இருப்பதால் தள்ளிப்போனாலும், ஒரு டைம்லைன் வரும்போது அது நடக்கும் என்பது உறுதி.”
இது, அஜித் ரசிகர்களிடையே மிகப்பெரிய உற்சாகத்தையும் எதிர்பார்ப்பையும் ஏற்படுத்தியுள்ளது.
“100% i will do a film with #Ajithkumar sir💯. I discussed a film with him before 10 months via SureshChandra sir🎬. I want explore my style of Action film with him🔥. He is busy with Racing now, we will collaborate when right time comes♥️”
– #Lokesh pic.twitter.com/bh4mCMroQV— AmuthaBharathi (@CinemaWithAB) July 26, 2025
