இந்தி பட நடிகையான சன்னி லியோன் இடத்தை தற்போது தெலுங்கு நடிகை ஷ்ரத்தா தாஸ் பிடித்திருக்கிறார்.
நடிகை ஷ்ரத்தா தாஸ் நடன பயிற்சி எடுக்கும் வீடியோ ஒன்றை தனது ட்விட்டர் பக்கத்தில் பதிவிட்டு, “தமிழில் விரைவில் ஒரு நல்ல செய்தி காத்திருக்கிறது” என்று தெரிவித்திருந்தார். அது பற்றிய தகவல் தற்போது வெளியாகியுள்ளது.
விஷால் நடித்து வரும் ‘அயோக்யா’ படத்திற்காக ஒரு கிளப் பாடலில் நடனம் ஆடுவதற்காகத்தான் ஷ்ரத்தா தாஸ் பயிற்சி மேற்கொண்டு வந்துள்ளார். முன்னதாக இந்த பாடலில் சன்னி லியோன் ஆடுவதாக இருந்தது.
அவருக்கு பதிலாக ஷ்ரத்தா ஆடி இருக்கிறார். தெலுங்கு, இந்தி, மலையாளம், கன்னடம், வங்காளம் என்று பல படங்களில் நடித்த ஷ்ரத்தா தாஸ் தற்போது சில நாட்களாக சென்னையில் இருக்கிறார். இந்த பாடலுக்கு சாம் சிஎஸ் இசை அமைத்துள்ளார். பாடல் வரிகளை ரோகேஷ் எழுதியுள்ளார்.
நடன இயக்குனராக பாபா மாஸ்டர் பணிபுரிகிறார். கிளப் போன்று அமைக்கப்பட்ட அரங்கில் இந்த பாடல் படம்பிடிக்கப்பட்டுள்ளது. இந்த பாடலில் விஷால், ஷ்ரத்தா இருவரும் ஆடியுள்ளனர். இந்த பாடலின் படப்பிடிப்பு பணிகள் 2 நாட்களாக நடந்தன. வெங்கட் மோகன் இயக்கி வருகிறார்.
