ஜோதிடத்தில் அசுரர்களின் குருவாக கருதப்படுபவர் தான் சுக்கிரன். இந்த சுக்கிரன் 30 நாட்களுக்கு ஒருமுறை ராசியை மாற்றுவார். இந்த சுக்கிரன் அழகு, ஆடம்பரம், காதல், செழிப்பு ஆகியவற்றின் காரணியாவார். இந்த சுக்கிரன் ரிஷபம் மற்றும் துலாம் ராசிகளின் அதிபதியாவார். தற்போது சுக்கிரன் சிம்ம ராசியில் பயணித்து வருகிறார்.
இந்நிலையில் சுக்கிரன் ஆகஸ்ட் 25 ஆம் தேதி புதன் ராசியான கன்னி ராசிக்குள் நுழையவுள்ளார். கன்னி ராசியில் சுக்கிரன் நுழைவதால் அதன் தாக்கம் அனைத்து ராசிகளிலுமே காணப்பட்டாலும், சில ராசிக்காரர்களுக்கு மிகவும் அதிர்ஷ்டமாக இருக்கப் போகிறது. குறிப்பாக நிதி நிலையில் நல்ல உயர்வு ஏற்படவுள்ளது. இப்போது சுக்கிரன் கன்னி ராசியில் நுழைவதால் அதிர்ஷ்டம் பெறும் ராசிக்காரர்கள் யார்யார் என்பதைக் காண்போம்.
ரிஷபம்
ரிஷப ராசியின் 5 ஆவது வீட்டிற்கு சுக்கிரன் செல்லவுள்ளார். இதனால் ந்த ராசிக்காரர்கள் குழந்தை தொடர்பான நல்ல செய்திகளைப் பெறுவார்கள். அனைத்து வேலைகளிலும் நல்ல வெற்றி கிடைக்கும். புதிய வருமான ஆதாரங்கள் உருவாகும் வாய்ப்புள்ளது. அலுவலகத்தில் உங்களின் செயல்திறன் நல்ல பாராட்டைப் பெறும். சில ருக்கு புதிய பொறுப்புக்கள் வழங்கப்படலாம். காதலித்து வந்தால், அது திருமணமாக மாறலாம். இக்காலத்தில் நிதி நிலையில் நல்ல முன்னேற்றம் ஏற்படும். நிறைய பணத்தை சம்பாதிக்கும் வாய்ப்புக்கள் கிடைக்கும்.
மகரம்
மகர ராசியின் 9 ஆவது வீட்டிற்கு சுக்கிரன் செல்லவுள்ளார். இதனால் இக்காலத்தில் அதிர்ஷ்டத்தின் முழு ஆதரவு கிடைக்கும். இதன் விளைவாக வேலையில் நல்ல வெற்றி கிடைக்கும். பந்தயம், லாட்டரி, பங்குச் சந்தையில் முதலீடு செய்தால், எதிர்காலத்தில் நல்ல லாபத்தைப் பெறலாம். சிலருக்கு வெளிநாடு செல்வதற்கான வாய்ப்புக்கள் தேடி வரும். புதிய உறவுகள் இக்காலத்தில் கிடைக்கும். இந்த உறவுகளால் எதிர்காலத்தில் எதிர்பாராத நன்மை கிடைக்கும். முக்கியமாக நீண்ட நாள் ஆசைகள் நிறைவேறும்.
சிம்மம்
சிம்ம ராசியின் 2 ஆவது வீட்டிற்கு சுக்கிரன் செல்லவுள்ளார். இதனால் இந்த ராசிக்காரர்களுக்கு உறவுகளைப் பொறுத்தவரை சிறப்பாக இருக்கும். திருமணமாகாதவர்களுக்கு நல்ல வரன் கிடைக்கும். ஆளுமை நன்கு மேம்படும். பேச்சால் பல வேலைகளை சிறப்பாக செய்து முடிப்பீர்கள். மேலும் உங்கள் பேச்சு மற்றவர்களை ஈர்க்கும் வகையில் இருக்கும். வியாபாரிகளுக்கு புதிய வருமான ஆதாரங்கள் திறக்கப்படும். பணிபுரிபவர்களுக்கு சம்பள உயர்வு கிடைக்கும் வாய்ப்புள்ளது மற்றும் பதவி உயர்வுக்கான வாய்ப்புக்களும் உள்ளன. வணிகர்கள் சிக்கிய பணத்தைப் பெறுவார்கள். குறிப்பாக நிறைய பணத்தை சேமிக்க முடியும்.
