Saturday, May 30, 2020
Home செய்திகள் இந்தியா ஆதரவற்ற மூதாட்டியின் வீட்டிற்கு சென்று உணவளித்து தானும் சாப்பிட்ட கலெக்டர்

ஆதரவற்ற மூதாட்டியின் வீட்டிற்கு சென்று உணவளித்து தானும் சாப்பிட்ட கலெக்டர்

கலெக்டர் என்றால் மாவட்டத்தின் அதிகார மையங்களை சரியான முறையில் கொண்டு செல்வதோடு அனைத்து அலுவல்களையும் கட்டுப்படுத்தும் அதிகாரியாகவும் இருக்கிறார்.

அதேவேளையில் மனித நேயத்தையும் மற்றவர்களுக்கு கற்றுத்தரும் மனப்பாங்கும் தங்களுக்கு உள்ளது என்பதை தனது செயலால் நிரூபித்துள்ளார் கரூர் மாவட்ட கலெக்டர் அன்பழகன்.

கரூர் அருகே உள்ள சின்னமநாயக்கன்பட்டி கிராமத்தை சேர்ந்தவர் ராமர் (வயது 85). இவரது மனைவி ராக்கம்மாள் (80). வயதாகி விட்டதால் ராமரால் எந்த வேலைக்கும் செல்ல முடியவில்லை. மேலும் படுத்த படுக்கையாகி விட்டார்.

மிகவும் ஏழ்மை நிலையில் யாருடைய அரவணைப்பும் இல்லாமல் தனியாக வசித்து வந்தனர். உணவுக்கு கூட மிகவும் கஷ்டப்பட்டு வந்தனர். அந்த பகுதி பொது மக்கள் அவ்வப்போது அவர்களுக்கு தேவையான உதவிகளை செய்து கொடுத்த போதிலும், அவர்கள் ஆதரவின்றி தவித்து வருவது பொது மக்களிடையே கவலையை ஏற்படுத்தியது.

- Advertisement -

இந்த நிலையில் கரூர் கலெக்டர் அலுவலகத்தில் நடந்த பொதுமக்கள் குறை தீர்க்கும் கூட்டத்தின் போது, சின்னமநாயக்கன் பட்டி பகுதியை சேர்ந்த பொது மக்கள் சிலர் மனு அளிக்க சென்றிருந்தனர். அப்போது அவர்கள் தங்களது கோரிக்கைகள் குறித்து மனு அளித்தது மட்டுமில்லாமல், தங்களது கிராமத்தில் மூதாட்டி ராக்கம்மாள் கணவருடன் ஆதரவின்றி தவித்து வருவது குறித்து கலெக்டரிடம் தெரிவித்தனர்.

உடனே இது பற்றி விசாரிப்பதாக பொது மக்களிடம் தெரிவித்த கலெக்டர் அன்பழகன், சம்பவத்தன்று மூக்கணாங்குறிச்சி கிராமத்தில் நடைபெற்ற மனுநீதிநாள் முகாமில் பங்கேற்க சென்றார். அப்போது வழியில் சின்னமநாயக்கன்பட்டிக்கு சென்று மூதாட்டி ராக்கம்மாளையும் சந்தித்து விட்டு செல்வது என முடிவு செய்த அவர், தனது வீட்டில் உள்ள உணவையும் கையோடு எடுத்து சென்றார்.

இதையடுத்து தனது கார் டிரைவரை ராக்கம்மாள் வீட்டிற்கு செல்லுமாறு கூறினார். அங்கு கலெக்டர் அன்பழகன் சென்றதும், ராக்கம்மாள், கலெக்டர் என்று தெரியாததால் அவரை யாருய்யா நீ? என்று கேட்டுள்ளார். உடனே அவரை அமர வைத்த கலெக்டர் அன்பழகன், நான் கலெக்டர் என்றும், தங்களது ஏழ்மை நிலையை கண்டு உதவிகள் செய்ய வந்திருப்பதாகவும் கூறினார்.

பின்னர் தான் கொண்டு வந்த உணவை, ராக்கம்மாளுக்கு பரிமாறியதோடு, அவரும் அருகிலேயே தரையில் அமர்ந்து சாப்பிட்டார். தன்னை யாரும் கண்டு கொள்ளாத நிலையில் கலெக்டர், தனக்கு உதவி செய்ய வந்திருப்பதை எண்ணி ஆனந்த கண்ணீர் விட்டதோடு, கலெக்டருடன் புகைப்படம் எடுத்து கொள்ளவும் விரும்பினார். அதன் படி கலெக்டரும், ராக்கம்மாளுடன் சேர்ந்து புகைப்படம் எடுத்துக் கொண்டார்.

பின்னர் ராக்கம்மாளுக்கு மாதந்தோறும் அரசின் உதவித்தொகை ரூ.1000 கிடைக்கும் வகையில், அதற்கான ஆணையையும் அங்கேயே வழங்கினார். அதனை பெற்ற ராக்கம்மாள், கலெக்டரின் கையை பிடித்து நன்றி தெரிவித்து கொண்டார். இதனிடையே ஏழை மூதாட்டியின் வீட்டிற்கு கலெக்டர் வந்திருப்பதை அறிந்த பொது மக்கள் ஏராளமானோர் அங்கு திரண்டு வந்து, கலெக்டர் செய்த உதவியை பார்த்து பாராட்டினர்.

இது பற்றி கலெக்டர் கூறும் போது, முதுமை நிலையில் உடலுழைப்பு செய்து பிழைப்பு நடத்த இயலாத ஏழை, எளிய மக்களுக்கு தமிழக அரசு மாதந்தோறும் ரூ.1000 உதவித்தொகை வழங்குகிறது. தகுதி வாய்ந்த நபர்களுக்கு உடனே வழங்க மாவட்ட நிர்வாகம் போர்க் கால அடிப்படையில் பணியாற்றும் என்றார்.

கடந்த சில நாட்களுக்கு முன்பு கலெக்டர் அலுவலகத்திற்கு மனு கொடுக்க வந்த விவசாயிகளை, கலெக்டர் அன்பழகன் தனது அறைக்கு நேரில் அழைத்து சென்று மனுவை வாங்கினார். தற்போது மூதாட்டி வீட்டிற்கு நேரில் சென்று உதவித் தொகை ஆணை வழங்கிய கலெக்டரின் பண்பும், மனித நேயமும் அனைவரிடத்திலும் வரவேற்பை பெற்றுள்ளது

- Advertisment -

ஏனைய செய்திகள்

பீஷ்மரைவிட சகுனி ஏன் சிறந்தவன் ? கிருஷ்ணரின் விளக்கம்

#சகுனி தன் முன்னே கை நீட்டி விரல்கள் விரித்து கண்மூடி அமர்ந்து இருக்கும் தந்தை சுபலனைக் கண்டான் சகுனி, இந்த கைகள்தானே என்னை வாரியணைத்தவை. இந்த விரல்கள்தானே என் கண்ணி துடைத்தவை. இந்த கைகள் தானே...

வியப்பூட்டும் மலர் மருத்துவம் – Flower Theraphy Natural Medicine

மூலிகைகள் எப்படி நோய் தீர்க்கும் வல்லமை கொண்டதாக இருக்கிறதோ, அதேபோல் மலர்களும் சக்தி வாய்ந்தவையே. இந்திய மருத்துவத்தில் மலர்களை பழங்காலத்தில் இருந்தே பயன்படுத்தி வந்துள்ளனர். ஆனாலும், இதற்கு நவீன அடையாளமும் அங்கீகாரமும் கொடுத்தவர்...

காற்று மாசை இனி கட்டுப்படுத்தலாம்… -Air pollution can no longer...

இன்று மொத்த உலகையும் நடுங்க வைத்துக் கொண்டிருக்கிறது காற்று மாசு. இத்தகைய சூழலில் நாம் வாழும் நம் வீடு/அலுவலகத்தில் சுத்தமான காற்றை சுவாசிக்கத் தரும் செடிகள் குறித்து தெரிந்துகொள்வோம். Air pollution can...

உன் சமயலறையில் …..!

* புளித்த மோராக இருந்தால் மோர்க்குழம்பு ஜீரணமாகாது. சிறிது பூண்டு சேர்த்தால் குழம்பு சுவையாகவும் இருக்கும். எளிதில் ஜீரணமாகும். * பிரெட் ஸ்லைஸ் மீதியாகி விட்டால் அதை சிறு சிறு துண்டுகளாக வெட்டி வெயிலில்...

வாய்ப்புண்ணை போக்கும் பப்பாளி -papaya cures Mouth sore

பப்பாளி மரத்தின் இலைகள், விதைகள், காய், பழம் என அனைத்துமே மருத்துவ குணங்கள் நிறைந்தவை. இந்தப் பழத்தை ‘ஏழைகளின் ஆப்பிள்’ என்றும் வர்ணிக்கின்றனர். * பப்பாளிக்காயை கூட்டாகச் செய்து சாப்பிட்டு வந்தால் குண்டான உடல்...

அதிகம் வாசிக்கப்பட்டவை

உங்கள் பெயர் தொடங்கும் எழுத்துக்களுக்கு எப்படி இருப்பீர்கள் அறியலாம் வாங்க..

உங்கள் பெயர் தொடங்கும் எழுத்துக்களுக்கு எப்படி இருப்பீர்கள் அறியலாம் வாங்க.. A  B  C  (adsbygoogle = window.adsbygoogle || ).push({}); D E F G H  I  J  K L ...

“S”ல் பெயர் தொடங்குபவர்கள் எப்படி இருப்பார்கள்?

முன்ஜாக்கிரதை, சிக்கனம், பிறர் பிரச்னைகளில் தலையிடாத தன்மை, நிதானம், நிலைத்த செயல்பாடு என தனக்கென்று தனி பாணி வகுத்துக் கொள்பவர்கள் தான் ளு என்ற எழுத்தில் பெயர் துவங்குபவர்கள். இந்த எழுத்தில் சூரியக்கதிர்கள்...

K ல் பெயர் தொடங்குபவர்கள் எப்படி இருப்பார்கள்?

கடவுள் பற்றுமிக்க `K’ எழுத்து அன்பும், பணிவும் கனிவான பார்வையும் எளிமையும் எவரையும் மதிக்கும் தன்மையும் இறைப்பற்றும் இன்முகமும் யாரையும் கவர்ந்திழுக்கும் பார்வையும் கொண்ட இவ்வெழுத்தில் சூரியனின் கதிர்கள் ஓரளவு உட்கிரகிப்பதால், மனித நேயம்...

2018 – விளம்பி வருட தமிழ்ப் புத்தாண்டு பலன்கள் 12 ராசிகளுக்கும்

2018 - விளம்பி தமிழ்ப் புத்தாண்டு பலன்கள் கீழே உள்ள உங்கள் ராசியை கிளிக் பண்ணி பாருங்கள்  மேஷம் ரிஷபம் மிதுனம் கடகம் சிம்மம் கன்னி துலாம் விருச்சகம் தனுசு மகரம் கும்பம் மீனம்

P ல் பெயர் தொடங்குபவர்கள் எப்படி இருப்பார்கள்?

P’ என்ற எழுத்தில் பெயர் துவங்கினால் பிறருக்கு உதவும் எண்ணம் இருக்கும் - பிறருக்காகவே வாழ்நாட்களை அர்ப்பணித்துக் கொண்டிருக்கம் இந்த ‘P’ என்ற எழுத்தைக் கொண்டவர்கள், எதிலும் இறுதிவரை போராடிப் பார்க்கும் குணமுள்ளவர்கள், இளவயதிலேயே...
error: Content is protected !!
Inline