fbpx
Saturday, February 27, 2021
Home செய்திகள் கொரோனாவை கட்டுப்படுத்த கடுமையான விதிகள் அமல் எச்சில் துப்பினால் ரூ500 அபராதம்: தமிழக அரசு அறிவிப்பு

கொரோனாவை கட்டுப்படுத்த கடுமையான விதிகள் அமல் எச்சில் துப்பினால் ரூ500 அபராதம்: தமிழக அரசு அறிவிப்பு

கொரோனாவை கட்டுப்படுத்த மிக கடுமையான விதிகளை தமிழக அரசு அமல்படுத்தியுள்ளது. பொது இடங்களில் எச்சில் துப்பினால், சமூக இடைவெளியை கடைப்பிடிக்காவிட்டால் ரூ500 அபராதம், மாஸ்க் அணியாவிட்டால் ரூ200 அபராதம் விதிக்கப்படும். விதிகளை மீறும் சலூன், ஸ்பா, உடற்பயிற்சி கூடம் மற்றும் வணிக நிறுவனங்களுக்கு ரூ5,000 அபராதம் விதிக்கப்படும் என எச்சரிக்கை விடுத்துள்ளது. கொரோனா பரவலை கருத்தில் கொண்டு கடந்த மார்ச் மாதம் பிறப்பிக்கப்பட்ட ஊரடங்கு தொடர்ந்து நீட்டிக்கப்பட்டு வந்தது. தற்போது ஊரடங்கு தளர்வுகளை அந்தந்த மாநிலங்கள் அறிவித்து வருகின்றன. தமிழகத்தில் ஊரடங்கு இந்த மாதம் இறுதிவரை தொடரும் என்று அரசு அறிவித்துள்ளது.

எனினும், பல்வேறு தளர்வுகளும் அறிவிக்கப்பட்டுள்ளன. கொரோனா பரவாமல் தடுக்க முகக்கவசம் அணிதல், சமூக இடைவெளி, பாதுகாப்பு அம்சங்கள் அடங்கிய வழிகாட்டு நடைமுறைகள் கட்டாயம் கடைப்பிடிக்கப்பட வேண்டும் என அரசு வலியுறுத்தி வருகிறது. இதை கட்டாயம் ஆக்கும் வகையில் பொது சுகாதார சட்டத்தில் திருத்தத்தை கொண்டுவந்துள்ளது. இந்த சட்ட திருத்தத்திற்கு தமிழக ஆளுநர் பன்வாரிலால் புரோகித் ஒப்புதல் அளித்துள்ளார். இதுகுறித்து ஆளுநர் மாளிகை வெளியிட்ட அறிவிப்பில் கூறியிருப்பதாவது: கொரோனா பரவலை தடுப்பதற்காக சமூக இடைவெளி கடைபிடிக்கும் வகையில் அரசு ஊரடங்கை அமல்படுத்தி வருகிறது.

பொது சுகாதார நிபுணர்கள் ஆலோசனையின்படி முகக் கவசம் அணிதல், சமூக இடைவெளி கடைபிடித்தல், அரசின் வழிகாட்டு நடைமுறைகளை பின்பற்றுதல் ஆகியவை கட்டாய தேவையாக உள்ளது. பணிபுரியும் இடங்களில் கொரோனா தொற்று பரவாமல் தடுக்க முன்னெச்சரிக்கை நடவடிக்கைகள் எடுக்கப்பட வேண்டும். இது தொடர்பாக விழிப்புணர்வு முகாம்கள் நடத்தப்பட்டும் ஒரு சிலர், ஒருசில நிறுவனங்கள், கடைகள் இந்த வழிகாட்டு நடைமுறைகளை பின்பற்றுவதில்லை. அவர்களும் பாதிக்கப்பட்டு மற்றவர்களுக்கும் பாதிப்பு ஏற்பட வழி ஏற்படுத்தி வருவதாக அரசின் கவனத்திற்கு வந்துள்ளது.

- Advertisement -

இந்த விதிமீறல்களால் கொரோனா தொற்று பரவும் அபாயம் உள்ளதால் விதி மீறல்களில் ஈடுபடுவதை தடுக்க முகக்கவசம் அணிதல், சமூக இடைவெளியை பின்பற்றுதல், அரசின் வழிகாட்டு நடைமுறைகளை பின்பற்றுதல் ஆகியவற்றை கட்டாயமாக்கி தமிழ்நாடு பொது சுகாதார சட்டத்தில் அரசு திருத்தம் கொண்டுவந்து அவசர சட்டம் இயற்றியுள்ளது. அரசின் இந்த முடிவின்படி தமிழக அரசின் இந்த அவசர சட்டத்திற்கு ஒப்புதல் தரப்படுகிறது. இவ்வாறு ஆளுநர் மாளிகை தெரிவித்துள்ளது. இதற்கிடையில், சமூக இடைவெளியை கடைப்பிடிக்காதவர்கள், முகக்கவசம் அணியாதவர்களுக்கு அபராதம் விதிக்க புதிய உத்தரவை தமிழக அரசு பிறப்பித்துள்ளது.

- Advertisement -

இதுகுறித்து தமிழக அரசின் சுகாதாரத்துறை ராதாகிருஷ்ணன் வௌியிட்ட அறிவிப்பில் கூறியிருப்பதாவது: சம்பந்தப்பட்ட அதிகாரிகளால் பிறப்பிக்கப்படும் தனிமைப்படுத்தல் விதிகளை மீறினால் ரூ500 அபராதம் விதிக்கப்படும். இதுபோல் பொது இடங்களில் துப்புதல், பொது இடங்கள் அல்லது நிகழ்ச்சிகளில் சமூக இடைவெளியை கடைப்பிக்காதது ஆகியவற்றுக்கு ரூ500 அபராதம் விதிக்கப்படும். இதுபோல் சலூன்கள், அழகு நிலையங்கள், ஸ்பாக்கள், உடற்பயிற்சி கூடங்கள், வர்த்தக நிறுவனங்கள் அல்லது இதர பொது இடங்களில் கடைப்பிடிக்க வேண்டிய செயல்பாட்டு விதிமுறைகளை மீறினால் ரூ5,000 அபராதம் விதிக்கப்படும்.

இதுபோல், கொரோனா அதிக அளவில் பரவியுள்ள கட்டுப்படுத்தப்பட்ட மண்டலங்களில் அரசால் அறிவிக்கப்பட்ட வழிகாட்டு நெறிமுறைகளை மீறும் தனிநபர்களுக்கு ரூ500 அபராதம், வாகனங்கள், வணிக நிறுவனங்களுக்கு ரூ5,000 அபராதம் விதிக்கப்படும். இவ்வாறு உத்தரவில் கூறப்பட்டுள்ளது.

உங்கள் நண்பர்களுக்கும் பகிருங்கள்:

- Advertisment -

ஏனைய செய்திகள்

அதிகம் வாசிக்கப்பட்டவை

உங்கள் நண்பர்களுக்கும் பகிருங்கள்:
error: Content is protected !!

compare car insurance, auto insurance troy mi, car insurance comparison quote, cars with cheapest insurance rates, best learner driver insurance, insurance quotes young drivers, automobile club inter-insurance, car insurance personal injury, auto insurance conroe tx, auto insurance philadelphia pa, seo explanation, digital marketing degree florida, online courses on digital marketing, digital marketing certificate programs online, digital marketing course review, internet marketing classes online, courses on online marketing, online marketing education, email marketing wikipedia, digital marketing degree course, digital marketing classes online, seo marketing company, search engine optimization articles, seo companys, types of seo services, seo technology, search optimization companies, seo specialists, search engine optimization marketing services, seo company, fitness showrooms stamford ct, ea fitness, fitness barre cranberry, fitness center software, fitness gym software, apogee fitness, fit online classes, rpac group fitness classes, fitness management software