பிரான்சிற்குச் செல்ல காத்திருக்கும் டிரக் ஓட்டுனர்களுக்கு கோவிட்-19 பரிசோதனை செய்வதற்கு, கிறிஸ்மஸ் தினத்தன்று கூடுதலாக 800 இராணுவ வீரர்கள் கென்ட் பகுதிக்கு அனுப்பப்பட உள்ளனர்.
பிரித்தானியாவுடனான எல்லையை பிரான்ஸ் மூடிய பிறகு சுமார் 4,000 டிரக்குகள் இங்கிலிஷ் சேனலைக் கடக்கக் காத்திருக்கின்றன.
ரயில் அல்லது படகில் ஏறுவதற்கு முன்பு டிரைவர்கள் கோவிட் -19 க்கு எதிர்மறையை சோதிக்கபட வேண்டும்.
சோதனை முயற்சிகளுக்கு பிரெஞ்சு தீயணைப்பு வீரர்கள் ஆதரவளித்து வருகின்றனர், அதே நேரத்தில் போலந்து பாதுகாப்பு மந்திரி ஒரு ட்வீட்டில் பிராந்திய இராணுவ வீரர்கள் குழு கென்டிற்கு அனுப்பப்படும் என்று கூறியுள்ளார்.
சோதனை ஓட்டுநர்களுக்கு உதவுவதற்காக போலந்து மருத்துவர்களின் குழு வியாழக்கிழமை இங்கிலாந்துக்கு அனுப்பப்பட்டது.
கிறிஸ்துமஸ் தினத்தன்று 12:00 GMT மணியளவில் சோதனை செய்யப்பட்ட 2,367 ஓட்டுநர்களில், 3 பேர் நேர்மறை சோதனை செய்துள்ளதாக அதிகாரப்பூர்வமாக அறிவிக்கப்பட்டுள்ளது.
கிறிஸ்மஸ் பண்டிகையையொட்டி டோவரில் இருந்து படகுகள் தொடர்ந்து இயங்கும், தேங்கியிருக்கும் வாகனங்களை முற்றிலுமாக அனுப்பிவைக்க பல நாட்கள் ஆகலாம் எனக் கூறப்படுகிறது.
இராணுவம் உணவு மற்றும் நீர் விநியோகத்தையும் மற்ற வசதிகளையும் ஏற்பாடு செய்துள்ளது.
“எங்களால் முடிந்தவரை விரைவாக ஓட்டுனர்களை தங்கள் குடும்பத்தினருடன் வீட்டிற்கு அனுப்பிவைப்பதே எங்கள் நோக்கம்” என்று போக்குவரத்து செயலாளர் கிராண்ட் ஷாப்ஸ் கூறியுள்ளார்.
பலர் தங்கள் வாகனங்களில் கிறிஸ்துமஸ் தினத்தை செலவிடுவதால், தன்னார்வலர்கள் மான்ஸ்டன் விமான நிலையத்திலும், M20யிலும் நிறுத்தப்பட்டுள்ள ஆயிரக்கணக்கான ஓட்டுநர்களுக்கு உணவு பொட்டலங்களை வழங்கிவருகின்றனர்.
மேலும், “அனைவருக்கும் இலவச உணவு, தண்ணீர் மற்றும் சூடான பானங்கள் வழங்கப்படுகின்றன” என்று போக்குவரத்துத் துறை தெரிவித்துள்ளது.
