உலகில் அனைவரும் ஸ்மார்ட் போன் பயன்படுத்தாதவர்களே இல்லை. அப்படி ஸ்மார்ட் பயன்படுத்தும் அனைவரும் ஆப்பின் மூலமாகவே அனைத்து செயல்களையும் செயல்படுத்துகின்றனர். ஆனால் ஆப்பில் பல போலி ஆப்களும் இருப்பதால் அதைக் கண்டிப்பிடிக்க மக்கள் திணறி வருகின்றனர். போகும் போக்கை பார்த்தால், இன்ஸ்டால் செய்யுங்கள் என்பதை விட அன் இன்ஸ்டால் செய்யுங்கள் என்கிற அறிவிப்பே அதிகம் பரவி வருகிறது.
கூகுள் நிறுவனத்திற்கு சொந்தமான கூகுள் பிளே ஸ்டோர் சமீப நாட்களாக கடுமையான விமர்சனங்களை எதிர்கொண்டு வருகிறது. ஏனெனில் கடந்த ஒரு மாதத்தில் மட்டுமே, கூகுள் பிளே ஸ்டோரில் 40-க்கும் மேற்பட்ட மால்வேர் ஆப்ஸ்கள் கண்டுபிடிக்கப்பட்டு, அவைகளை நீக்கும்படி பரிந்துரை செய்யப்பட்டுள்ளது.
சமீபத்தில் ‘Dangerous Apps’ என்கிற குறியீட்டு பெயரின் கீழ் 33 ஆப்ஸ்கள் பட்டியலிடப்பட்டு, அவைகளை உடனடியாக Uninstall செய்யும்படி கேட்டுக்கொள்ளப்பட்டது. அதனை தொடர்ந்து தற்போது மேலுமொரு ஆப், அந்த பட்டியலில் இணைந்துள்ளது. இது சார்ந்த அறிவிப்பை தி ஹேக்கர் நியூஸ் அதன் டிவிட்டர் தளம் வழியாக நம்முடன் பகிர்ந்துள்ளது.
அந்த பட்டியலில் தற்போது புதிதாக இணைந்துள்ள ஆப்பின் பெயர் – CamScanner ஆகும். இந்த ஆப் ஆனது உலகெங்கிலும் மில்லியன் கணக்கான பயனர்களால் டவுன்லோட் செய்யப்பட்டு இன்ஸ்டால் செய்யப்பட்டுள்ளது என்பது குறிப்பிடத்தக்கது, அதில் நீங்களும் ஒருவராக இருக்கலாம். அப்படி இருந்தால் இதை உடனடியாக அன்இன்ஸ்டால் செய்யும்படி கேட்டுக் கொள்ளப்படுகிறது.
விளக்கமும், விபரீதமும்!
காஸ்பர்ஸ்கி ஆராய்ச்சியாளர்களால் கண்டுபிடிக்கபட்டுள்ள இந்த தீம்பொருள் (மால்வேர்) ஆப் ஆனது “OCR எனப்படும் ஆப்டிகல் கேரக்டர் ரெக்னிகேஷன் மூலம் ஸ்மார்ட்போன் வழியாகவே PDF-களை உருவாக்கும் ஒரு ஆப்” என்கிற விளக்கத்தை தாங்கியுள்ளது. ஆராய்ச்சியாளர்களின் படி, “இந்த ஆப் ஆனது தீங்கிழைக்கும் தொகுதிகளை கொண்ட விளம்பரங்களுடன் ஷிப்பிங் செய்யப்படுகிறது.”
கேம்ஸ்கேனர் என்பது “ஒரு முறையான பயன்பாடு” என்று ஆராய்ச்சியாளர்கள் கூறுகிறார்கள். அதாவது சட்டத்திற்கு அல்லது விதிகளுக்கு இணங்கியது என்கிறார்கள். மேலும் இந்த ஆப்பில் “தீங்கிழைக்கும் நோக்கங்கள் எதுவும் இல்லை” என்றும் கூறுகிறார்கள்.
ஆனால், இந்த கேம்ஸ்கேனர் ஆப் ஆனது அதன் டெவலப்பர்களுக்கு இயல்பான வணிக வருவாயை உருவாக்க, விளம்பரங்களை வெளிப்படையாக பயன்படுத்துகின்றன. உடன் கூடுதல் வருவாயை உருவாக்க In-app purchases-களும் உள்ளன. அவைகள் “ஒரு கட்டத்தில் அது மால்வேர் ஆக மாறியது” என்கிறார்கள் ஆராய்ச்சியாளர்கள்.
திருட உதவும் ட்ரோஜன் டிராப்பர்!
ஆராய்ச்சியாளர்களின் கூற்றுப்படி, இந்த ஆப்பில் “ட்ரோஜன் டிராப்பர்” எனும் தீங்கு விழைவிக்கும் தொகுதி உள்ளது. இது ஒரு குறிப்பிட்ட நோக்கத்தின் கீழ் உருவான மற்றொரு தீம்பொருளை அனுப்பி வைக்க உதவும் “விநியோக வழிமுறை” ஆக வடிவமைக்கப்பட்ட ஒரு தீம்பொருள் ஆகும்.
எதையெல்லாம் திருடலாம்? என்னவெல்லாம் செய்யலாம்?
ஆக இதன் வழியாக ஒரு ஹேக்கரால், உங்களின் வங்கி சான்றுகளை திருடலாம் அல்லது போலி விளம்பர க்ளிக்குகளை உருவாக்கலாம் அல்லது போலியான சந்தாக்களுடன் உங்களை சைன்-அப் செய்து இணைக்கலாம். பாதுகாப்பை விரும்பும் பயனரால் CamScanner எனும் ஆப்பை இன்ஸ்டால் செய்யாமல் இருப்பதும், ஏற்கனவே இன்ஸ்டால் செய்தவர்கள் அதை அன்இன்ஸ்டால் செய்வதும் மிக நல்லது.
